MKning 143-moddasiga koʻra ta’til har ish yili tugagunga qadar berilishi lozim. Joriy yilda ta’tilni toʻliq berish imkoni boʻlmagan hollarda, хodimning roziligi bilan ta’tilning 12 ish kunidan ortiq boʻlgan qismi keyingi ish yiliga koʻchirilishi mumkin, shu yili undan albatta foydalanilmogʻi lozim. MKning 145-moddasiga asosan agar ta’tildan foydalanishga toʻsqinlik qiluvchi sabablar chiqqan boʻlsa, хodim bilan ish beruvchi oʻrtasidagi kelishuvga binoan ta’tildan foydalanishning yangi muddati belgilanadi yoki хodim bilan ish beruvchining kelishuviga binoan ta’tilning foydalanilmay qolgan qismi boshqa muddatga koʻchiriladi. Foydalanilmagan ta’til kechroq boʻlsa ham foydalanilishi kerak va uni qoldirib ketib keyingi yilnikini berish notoʻgʻri. Shundan kelib chiqib, 2017-2019 yillar uchun foydalanilmagan ta’tillar 2020 yilda chiqilsa ham oʻsha yillar uchun ta’til ketma-ketlikda berib boriladi.
Javoblar ular e’lon qilingan sanada dolzarb hisoblanadi.