Mehnatga layoqatsizlik varaqalarini berish tartibi toʻgʻrisidagi yoʻriqnomaning (AVda 17.04.2015 y. 2667-son bilan roʻхatga olingan) 29-bandiga asosan bola ikki va uch yoshga toʻlgunga qadar parvarishlash uchun beriladigan ta’tilda boʻlgan ayollarning takroriy homiladorligi uchun mehnatga layoqatsizlik varaqasi umumiy asosda beriladi. Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizomning (AVda 08.05.2002 y. 1136-son bilan roʻхatga olingan) 46-bandiga asosan хodim bolani parvarishlash uchun ta’tilda boʻlgan vaqtda homiladorlik va tugʻish boʻyicha ta’til berilganda, nafaqa homiladorlik va tugʻish boʻyicha ta’tilning vaqtincha mehnatga layoqatsizlik varaqasida koʻrsatilgan barcha kunlari uchun beriladi.
Shunga asosan savolda koʻrsatilgan holatda vaqtincha mehnatga layoqatsizlik varaqasida koʻrsatilgan barcha kunlar uchun nafaqa toʻlab berilishi lozim.
Javoblar ular e’lon qilingan sanada dolzarb hisoblanadi.