Меҳнатга лаёқатсизлик варақаларини бериш тартиби тўғрисидаги йўриқноманинг (АВда 17.04.2015 й. 2667-сон билан рўхатга олинган) 29-бандига асосан бола икки ва уч ёшга тўлгунга қадар парваришлаш учун бериладиган таътилда бўлган аёлларнинг такрорий ҳомиладорлиги учун меҳнатга лаёқатсизлик варақаси умумий асосда берилади. Давлат ижтимоий суғуртаси бўйича нафақалар тайинлаш ва тўлаш тартиби тўғрисидаги низомнинг (АВда 08.05.2002 й. 1136-сон билан рўхатга олинган) 46-бандига асосан ходим болани парваришлаш учун таътилда бўлган вақтда ҳомиладорлик ва туғиш бўйича таътил берилганда, нафақа ҳомиладорлик ва туғиш бўйича таътилнинг вақтинча меҳнатга лаёқатсизлик варақасида кўрсатилган барча кунлари учун берилади.
Шунга асосан саволда кўрсатилган ҳолатда вақтинча меҳнатга лаёқатсизлик варақасида кўрсатилган барча кунлар учун нафақа тўлаб берилиши лозим.
Жавоблар улар эълон қилинган санада долзарб ҳисобланади.