Chet ellik fuqaro bilan mehnat shartnomasi tuzilganligi bois u mehnat munosabatlari sub’yekti hisoblanadi hamda unga nisbatan Mehnat kodeksining barcha normalari tatbiq etiladi (MK 14-m.).

Mehnat shartnomasi bekor qilingan taqdirda, unga barcha foydalanilmagan yillik asosiy va qoʻshimcha ta’tillar uchun pullik kompensatsiya toʻlanadi (MK 151-m.).

Kompensatsiyani hisoblashda ta’tillar muddatini ishlangan vaqtga mutanosib ravishda aniqlang. Har bir toʻliq ta’til miqdorini 12 ga boʻlib, soʻng toʻliq ishlangan oylar soniga koʻpaytiring. Bunda 15kalendar kunga teng va undan koʻp boʻlgan kunlar bir oy deb yaхlitlanadi, 15 kalendar kundan kami esa chiqarib tashlanadi (MK 141-m.).

 MISOL. Foydalanilmagan ta’til hisob-kitobi

Xodim 2019 yil oktyabrdan 2020 yil maygacha 6 oyu 20 kun ishlagan. Jamoa shartnomasi boʻyicha unga amaldagi qonun hujjatlariga muvofiq 15 ish kunilik asosiy ta’til (MK 134-m.), shuningdek 9 ish kunilik qoʻshimcha ta’til berilishi lozim.

Xodim ishdan boʻshatilganda unga foydalanilmagan asosiy va qoʻshimcha ta’tillar uchun pullik kompensatsiya toʻlanadi. Uni hisob-kitob qilish uchun ishlangan vaqtga mutanosib ravishda ushbu ta’tillar davomiyligini aniqlang.

Xodim 6 oyu 20 kun ishlaganligi bois hisob-kitobda 7 oy deb hisoblang. 20 kun toʻliq bir oy deb yaхlitlanadi.

Mazkur holatda foydalanilmagan ta’til davomiyligi 14kunni ((15 + 9) / 12 х 7) tashkil etadi.