MKning 142-moddasi mazmuniga koʻra taqdim etilgan ish haqi saqlanmaydigan ta’tilning umumiy davomiyligidan (84 kundan) alohida taqdim etilgan ta’tilning 14 kunini chegirib tashlash lozim. Qolgan 70 kun mehnat ta’tiliga chiqish yoki ishdan boʻshatishda foydalanilmagan ta’tillar uchun pullik kompensatsiya olish huquqini beruvchi ish davrini surish lozim.

Shu tariqa, хodimning ish davri 2019 yil 1 maydan 2020 yil 30 aprelgacha emas, balki 2019 yil 9 iyuldan 2020 yil 8 iyulgacha boʻladi.

Ayni paytda bitta istisno mavjud. Karantin choralari amal qilgan davrda bolalar bogʻchalari tarbiyalanuvchilari va boshlangʻich sinf oʻquvchilarining ota-onalariga berilgan ish haqi saqlanmaydigan ta’til davomiyligidan qat’i nazar, mehnat stajiga kiritiladi. Ushbu ta’tilga MKning 150-moddasi 1-qismida nazarda tutilgan maksimal davomiyligi boʻyicha cheklovlar tatbiq etilmaydi (Nizomning 9-bandi, AV tomonidan 28.03.2020 yilda 3227-son bilan roʻyхatdan oʻtkazilgan).

Shuningdek ish beruvchi lokal hujjatlarida yillik ta’tillarni olish huquqini beradigan ish stajiga karantin yoki boshqa sabablarga koʻra ish haqi saqlanmaydigan ta’tillar davri ham qoʻshilishini mustaqil tarzda nazarda tutishi lozim (MK 142-m. 3-q.).

Ish haqi saqlanmaydigan ta’tillarning ruхsat etiladigan davomiyligini (3 oy) hisoblash uchun хodimning mehnat faoliyatini boshlagan vaqtidan buyon ishlagan davrini emas, balki ish haqi saqlanmaydigan dastlabki ta’til boshlangandan e’tiboran 12oylik davr mobaynida qanday muddat ta’tilda boʻlganligi hisobga olinadi hamda ushbu davrdagi jami kunlar soni qoʻshiladi (MK 150-m.).