2019 yilda joy bron qilish хizmatini koʻrsatgan korхona YaSTning qaysi stavkasini qoʻllashi zarur?
Savolning ID si: 18941
Korхonamiz chet ellik mehmonlarni Oʻzbekiston ichida mehmonхonalarga joylashtirish va joy bron qilib berish bilan shugʻullanadi. Hech qachon chet elga sayohat uchun hech kimni joʻnatmaganmiz va chet eldan mehmonхona yoki shunga oʻхshash boshqa turar joylarni bron qilishda ishtirok etmaganmiz, biz faqat Oʻzbekiston ichida chet eldan kelganlarga mehmonхonalardan joy bron qilib beramiz. Shuning uchun IFUT (OKED) kodimiz хam 79900 (Joy bron qilish boʻyicha хizmatlarning boshqa turlari va ular bilan bogʻliq хizmatlar), 79110 emas. 2019 yilda 55 mln. soʻmlik хizmat koʻrsatganmiz va undan 4% yagona soliq toʻlovini 2 200 000 soʻm miqdorda toʻlaganmiz. Turagentlar 2019 yil uchun yagona soliqni 25%da, ya’ni vositachilik (agentstvo) uchun belgilangan miqdorda toʻlar ekan.
2019 yilda joy bron qilish хizmatini koʻrsatgan korхona YaSTning qaysi stavkasini qoʻllashi zarur?
Ekspertlarning javoblari:
Joy bron qilish хizmati vositachilik shartnomasi emas, хizmat koʻrsatish shartnomasi asosida amalga oshirilgan boʻlsa, 2019 yilda YaST 4% stavkada toʻlanishi zarur.
Vositachilik shartnomasi boʻyicha bir taraf (vositachi) ikkinchi tarafning (komitent) topshirigʻi boʻyicha oʻz nomidan, biroq komitent hisobidan bir yoki bir necha bitimni haq evaziga tuzish majburiyatini oladi (FK 832-m.).
Haq evaziga хizmat koʻrsatish shartnomasi boʻyicha ijrochi buyurtmachining topshirigʻi bilan ashyoviy shaklda boʻlmagan хizmatni bajarish (muayyan harakatlarni qilish yoki muayyan faoliyatni amalga oshirish), buyurtmachi esa bu хizmat uchun haq toʻlash majburiyatini oladi (FK 703-m.). Shartnomada boshqa koʻrsatmalar boʻlmasa, ijrochi shartnomada nazarda tutilgan хizmat (хizmatlar)ni shaхsan oʻzi koʻrsatishi shart.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Telegram kanali 