Oʻrindoshlik ish joyidan ham toʻlanadigan mehnat ta’tili berilishi lozim. Oʻrindoshlik asosida hamda bir necha kasbda va lavozimda ishlash tartibi toʻgʻrisidagi nizomning (VMning 2012 yil 18 oktyabrdagi 297-son qaroriga ilova) 3-boʻlimiga asosan oʻrindoshlik asosida ishlovchi shaхslarga har yilgi mehnat ta’tili asosiy ish joyidagi mehnat ta’tili bilan bir vaqtda beriladi.

Oʻrindoshlarning mehnat ta’tiliga oʻrindoshlik asosidagi ishning oʻrtacha ish haqidan kelib chiqqan holda odatdagi tartibda haq toʻlanadi.

Asosiy ish joyi boʻyicha mehnat ta’tilining davomiyligi oʻrindoshlik ish joyidagi mehnat ta’tili davomiyligidan ortiq boʻlsa, oʻrindoshlik ish joyi boʻyicha ish beruvchi oʻrindoshning iltimosiga koʻra ushbu kunlarga ish haqi saqlanmaydigan ta’til berishga majburdir.