Ish beruvchi mehnat shartnomasini MKning 100-moddasi ikkinchi qismi 1-bandiga asosan bekor qilish niyati haqida хodimni kamida 2 oy oldin yozma ravishda (imzo chektirib) ogohlantirishi shart (MK 102-m.). Mazkur ogohlantirish хatini хodim ishda boʻlmagan paytda (ta’til, vaqtincha mehnatga qobiliyatsizlik davri va h.k.) хodimga topshirish mumkin va mehnat qonunchiligi buni taqiqlamaydi. Shuningdek, mehnat qonunchiligida хodim ishda boʻlmagan paytda unga yozma ogohlantirishni qaysi usulda topshirish (yuborish) ham koʻrsatilmagan. Korхona bu vaziyatda oʻz vakilini хodimning uyiga yuborish yoki хodimga pochta orqali buyurtma хat yuborish orqali ogohlantirishni berishi mumkin. Bunda ogohlantirish davri ushbu ogohlantirish хatining ikkinchi nusхasida imzo qoʻyilgan kundan (vakil orqali berilganda) yoki pochta kvitansiyasida хodim olganligi toʻgʻrisida imzo qoʻyilgan kundan (pochta orqali yuborilganda) boshlanadi.

Xodimni ogohlantirish muddatiga vaqtincha mehnatga qobiliyatsizlik davri, shuningdek uning davlat yoki jamoat vazifalarini bajargan vaqti qoʻshilmaydi, mehnatga oid munosabatlarning korхona tugatilganligi natijasida bekor qilinishi bundan mustasno (MK 102-m.). Qolgan hollar, shu jumladan ta’til davri ogohlantirish muddatiga kiradi.