Savolning ID si: 19635
Byudjet tashkilotining moliya boʻlimida shtat birligi boʻyicha 2 nafar buхgalter mavjud boʻlib, shundan 1 nafari hozirgi kungacha vakant boʻlib kelmoqda. Shu munosabat bilan VM 18.10.2012 yildagi 297-sonli qarorining 25-bandiga asosan ishlar хajmining koʻpayganligi sababli buхgalterga vakant lavozim maoshining 50 foizidan oshmagan holda qoʻshimcha haq toʻlaymiz.
Bunda faqat lavozim maoshining oʻzidan kelib chiqib toʻlanadimi yoki unga qoʻshimcha toʻlovlar (masalan, uzluksiz ishlagan ish staji uchun ustama va h.k.) ham qoʻshib hisoblanadimi?
Ekspertlarning javoblari:
VMning 10.18.2012 yildagi 297-sonli qaroriga ilovaning 25-bandida byudjet tashkilotlarida bir necha kasb va lavozimda ishlaganlik, хizmat koʻrsatish zonasini kengaytirganlik, ishlar hajmini koʻpaytirganlik uchun qoʻshimcha haq toʻlash miqdori ushbu lavozim boʻyicha maoshning (tarif stavkasining) 50 foizidan ortiq boʻlishi mumkin emasligi aniq koʻrsatilgan. Demak, vakant lavozim boʻyicha qoʻshimcha toʻlovlarsiz, shtat jadvalida oʻrnatilgan maoshning oʻzidan 50 foizgacha toʻlanadi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 