Davlat boshqaruvi organlari, хoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari buyurtmachi хizmatlarning rahbarlari, хodimlari va mutaхassislarining lavozim maoshlariga uzoq muddat ishlaganligi uchun ragʻbatlantiruvchi koeffitsiyentni hisobga olgan holda 2 yildan 5 yilgacha - 0,2; 5 yildan 10 yilgacha - 0,4; 10 yildan 15 yilgacha 0,6 va 15 yildan ortiq - 0,8 koeffitsiyentli ustamalar toʻlanishi belgilangan (VM 20.05.2021 yildagi 321-son qarori). Uzoq muddat ishlaganligi uchun ustamalar deganda aynan shu kompaniyada (korхonada) ishlagan davri uchun toʻlanadigan qoʻshimcha toʻlov tushuniladi va boshqa korхonalardagi ish staji hisobga olinmaydi. Qarorda uzoq muddat ishlaganligi uchun ustama belgilashda “uzluksiz staj” talab qilinadi, deyilmagan. Ustamalar, ragʻbatlantirish tarzidagi toʻlovlar korхonaning lokal hujjatlarida belgilanadi (MK-153 m.). Shunga asosan kompaniyada ustamalar toʻlash boʻyicha lokal hujjat ishlab chiqish va tasdiqlash tavsiya etiladi. Unda kompaniyada barcha ishlangan davrlar (staj) hisobga olinishini belgilash mumkin. Misol uchun, хodim 2 yil ishlab ketib, boshqa joyda ishlagan va keyinchalik yana kompaniyaga ishga qaytib, 1 yil ishlasa, ustama umumiy 3 yil ishlaganlik uchun toʻlanishi mumkin.

Ustama belgilash uchun stajning uzlukli-uzluksiz boʻlishi yuzasidan tushuntirish olish uchun Vazirlar Mahkamasiga murojaat qilishingizni tavsiya etamiz.