Ishga yangi kirayotgan yoki 12 oydan koʻproq tanaffusdan soʻng mehnat faoliyatini qaytadan boshlovchilar uchun homiladorlik va tugʻish boʻyicha nafaqalar ishga qabul qilingan kundan boshlab amalda ishlangan vaqtiga qarab quyidagi tabaqalashtirilgan miqdorda tayinlanadi:

- ishga qabul qilingan kundan boshlab 12 oygacha - oʻrtacha oylik ish haqining 75 foizi miqdorida;

- ishga qabul qilingan kundan boshlab 12 oydan koʻproq vaqt - oʻrtacha oylik ish haqining 100 foizi miqdorida (27.12.2016 yildagi PQ-2699-son Prezident qarori 23-b.).

Savolda хodim korхonada qancha muddat ishlagani (birinchi marta homiladorlik va tugʻish ta’tiliga chiqquncha), shuningdek bolani parvarishlash ta’tilida amalda qancha muddat boʻlganligi koʻrsatilmagan. Fikrimizcha, agar хodima korхonada 12 oydan ortiq ishlagan boʻlsa (birinchi marta homiladorlik va tugʻish ta’tiliga chiqquncha) va 12 oydan koʻproq tanaffus boʻlmagan boʻlsa (birinchi marta homiladorlik va tugʻish ta’tili muddatini va bolani parvarishlash ta’tili muddatini qoʻshib hisoblaganda), unga nafaqa miqdori oʻrtacha oyliknig 100%i miqdorida toʻlanadi. Aks holda nafaqa 75% miqdorida toʻlanadi.

Shu bilan birga korхona lokal hujjatlarida (jamoa shartnomasi, buyruq va h.k.) har qanday vaziyatda homiladorlik va tugʻish boʻyicha nafaqa 100% miqdorida toʻlanishi belgilanishi mumkin.