Ишга янги кираётган ёки 12 ойдан кўпроқ танаффусдан сўнг меҳнат фаолиятини қайтадан бошловчилар учун ҳомиладорлик ва туғиш бўйича нафақалар ишга қабул қилинган кундан бошлаб амалда ишланган вақтига қараб қуйидаги табақалаштирилган миқдорда тайинланади:
- ишга қабул қилинган кундан бошлаб 12 ойгача - ўртача ойлик иш ҳақининг 75 фоизи миқдорида;
- ишга қабул қилинган кундан бошлаб 12 ойдан кўпроқ вақт - ўртача ойлик иш ҳақининг 100 фоизи миқдорида (27.12.2016 йилдаги ПҚ-2699-сон Президент қарори 23-б.).
Саволда ходим корхонада қанча муддат ишлагани (биринчи марта ҳомиладорлик ва туғиш таътилига чиққунча), шунингдек болани парваришлаш таътилида амалда қанча муддат бўлганлиги кўрсатилмаган. Фикримизча, агар ходима корхонада 12 ойдан ортиқ ишлаган бўлса (биринчи марта ҳомиладорлик ва туғиш таътилига чиққунча) ва 12 ойдан кўпроқ танаффус бўлмаган бўлса (биринчи марта ҳомиладорлик ва туғиш таътили муддатини ва болани парваришлаш таътили муддатини қўшиб ҳисоблаганда), унга нафақа миқдори ўртача ойликниг 100%и миқдорида тўланади. Акс ҳолда нафақа 75% миқдорида тўланади.
Шу билан бирга корхона локал ҳужжатларида (жамоа шартномаси, буйруқ ва ҳ.к.) ҳар қандай вазиятда ҳомиладорлик ва туғиш бўйича нафақа 100% миқдорида тўланиши белгиланиши мумкин.
Жавоблар улар эълон қилинган санада долзарб ҳисобланади.