Ayollarga homiladorlik va tugʻish ta’tillari berilib, davlat ijtimoiy sugʻurtasi boʻyicha nafaqa toʻlanadi (MK 233-m.). Ushbu ta’til mehnatga layoqatsizlik varaqasi asosida beriladi. Homiladorlik va tugʻish boʻyicha mehnatga layoqatsizlik varaqasi hududiy ambulator-poliklinikalar tomonidan bir yoʻla 126 kalendar kuniga beriladi. Tugʻish qiyin kechgan yoki 2 va undan ortiq bola tugʻilgan hollarda homiladorlik va tugʻish ta’tilini uzaytirish uchun tugʻruq muassasasi tomonidan yana 14 kalendar kuniga mehnatga layoqatsizlik varaqasi beriladi (AVda 17.04.2015 yilda 2667-son bilan roʻyхatga olingan Yoʻriqnomaning 27-b.). Mehnatga layoqatsizlik varaqasi shaхsni ishdan ozod qilish, homiladorlik va tugʻish nafaqasini toʻlash uchun asos boʻladigan hujjat hisoblanadi (Yoʻriqnomaning 1-b.). Shunga koʻra homiladorlik va tugʻish ta’tilini berish va mehnatga layoqatsizlik varaqasiga asosan nafaqa toʻlash uchun buyruq chiqarish shart emas.