Аёлларга ҳомиладорлик ва туғиш таътиллари берилиб, давлат ижтимоий суғуртаси бўйича нафақа тўланади (МК 233-м.). Ушбу таътил меҳнатга лаёқатсизлик варақаси асосида берилади. Ҳомиладорлик ва туғиш бўйича меҳнатга лаёқатсизлик варақаси ҳудудий амбулатор-поликлиникалар томонидан бир йўла 126 календарь кунига берилади. Туғиш қийин кечган ёки 2 ва ундан ортиқ бола туғилган ҳолларда ҳомиладорлик ва туғиш таътилини узайтириш учун туғруқ муассасаси томонидан яна 14 календарь кунига меҳнатга лаёқатсизлик варақаси берилади (АВда 17.04.2015 йилда 2667-сон билан рўйхатга олинган Йўриқноманинг 27-б.). Меҳнатга лаёқатсизлик варақаси шахсни ишдан озод қилиш, ҳомиладорлик ва туғиш нафақасини тўлаш учун асос бўладиган ҳужжат ҳисобланади (Йўриқноманинг 1-б.). Шунга кўра ҳомиладорлик ва туғиш таътилини бериш ва меҳнатга лаёқатсизлик варақасига асосан нафақа тўлаш учун буйруқ чиқариш шарт эмас.