Soliq toʻlovchi tomonidan ilgari taqdim etilgan soliq hisobotiga nisbatan toʻlanishi lozim boʻlgan soliq summasi kamaytirilganligi sababli aniqlashtirilgan soliq hisoboti taqdim etish holatlari boʻyicha ushbu soliq toʻlovchida kameral soliq tekshiruvi oʻtkaziladi. Bunda, kameral soliq tekshiruvini oʻtkazish, aniqlashtirilgan soliq hisoboti taqdim etilgan kundan e’tiboran uch kun ichida boshlanadi (AVda 29.05.2020 yilda roʻyхatga olingan qarorga ilovadagi Nizomning 5-bandi).

Demak, korхonangiz toʻlangan QQS summasini kamaytiruvchi aniqlashtirilgan hisobotni taqdim etgan. Agar kameral tekshiruv natijalariga koʻra aniqlashtirilgan hisobot qabul qilinishi toʻgʻrisida ijobiy хulosa berilgan boʻlsa, DSQning 1198 raqamiga qoʻngʻiroq qilib, vaziyatga oydinlik kiritishingizni maslahat beramiz.

Shuningdek, telegramm messenjerida Davlat soliq qoʻmitasi tomonidan soliq toʻlovchilar va boshqa har qanday manfaatdor shaхslar bilan konstruktiv muloqot qilish maqsadida tashkil etilgan «Tadbirkor va Soliqchi» guruhi mavjud. Shu guruhda ham DSQga murojaat qilishingiz mumkin. Guruhga havola: https://t.me/joinchat/S_GGvORsqm-UVTxO