Bank tomonidan qat’iy belgilangan narxdagi xizmatlari boʻyicha hisobvaraq-faktura

Bank tomonidan hozirgi vaqtgacha koʻrsatilgan bank xizmatlari Soliq kodeksining 244- moddasiga asosan QQS dan ozod qilingan. Shu sababli, hozirgacha mazkur bank xizmatlari boʻyicha daromadni tan olish maqsadida faqat bir tomonlama hisobvaraq-faktura yuborilib kelinayotgan edi. Biroq, 2022 yil 1 yanvardan boshlab bank tomonidan koʻrsatiladigan ayrim xizmatlar, ya’ni abonent toʻlovi va boshqa qat’iy belgilangan narxda koʻrsatiladigan shu kabi xizmatlar uchun QQS joriy etilishi rejalashtirilmoqda. Bank minglab korporativ mijozlarga ega, shuningdek, kunlik koʻrsatiladigan xizmatlar turi ham bir qancha xizmatlardan iborat.