Inventarizatsiya oʻtkazishda aniqlangan kamomad boʻyicha QQS
Savolning ID si: 20979
Jamiyatda tovar-moddiy boyliklarini (TMB) inventarizatsiyadan oʻtkazish paytida kamomad borligi aniqlandi. Yetkazilgan zarar summasi omborda yetishmayotgan TMBlarning bozor qiymati boʻyicha kamomadga yoʻl qoʻygan aybdor shaхsdan uning oylik ish haqidan ushlab qolish yoʻli bilan undirib olindi.
TMBlar boʻyicha kamomad aniqlanganda va uning qiymati aybdor shaхsdan undirib olinganda, QQS boʻyicha qanday soliq oqibatlari vujudga keladi?
Ekspertlarning javoblari:
Omborda kamomad aniqlanganda, bunday yoʻqotish - tabiiy kamayish normalaridan ortiqcha yoʻqotish hisoblanadi. Bunday holatlarda shu yetishmayotgan TMBlar sotib olingan paytda hisobga olish uchun qabul qilingan QQS summasiga tuzatish kiritish zarur (SK 269-m. 1-q. 2-b.). Ya’ni, TMB boʻyicha avval hisobga olingan summa qaytariladi va shu kam yoʻqotilgan TMB qiymatiga qoʻshiladi. Keyin TMB belgilangan tartibda hisobdan chiqarilib, moliyaviy natija qayd etiladi (AVda 06.04.2004 yil 1334-son bilan roʻyхatga olingan Nizom).
Yoʻqotilgan TMBning bozor qiymati aybdor shaхsdan undirilganda, QQS boʻyicha hech qanday soliq oqibati yuzaga kelmaydi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 