Jismoniy shaхslarning olingan ipoteka kreditlarini va ular boʻyicha hisoblangan foizlarni soliq davri davomida jami 15 mln.soʻmgacha boʻlgan miqdorda qoplashga yoʻnaltirilgan soliq solinishi lozim boʻlgan ish haqi va boshqa daromadlari, basharti yakka tartibdagi uy-joyning yoki koʻp qavatli uydagi хonadonning qiymati 300 mln.soʻmdan oshmasa hamda u dastlabki badalning va (yoki) ipoteka krediti boʻyicha foizlarning bir qismini qoplash uchun byudjetdan ajratilgan subsidiyalarni hisobga olgan holda olingan boʻlsa, JShDSga tortilmaydi. Mazkur imtiyoz qarz oluvchiga va birga qarz oluvchilarga, imtiyoz olish huquqiga ega boʻlgan barcha soliq toʻlovchilarga berilgan, soliq solinishi lozim boʻlgan daromadlarni kamaytirish summasi soliq davri davomida jami 15 mln.soʻmdan oshmagan taqdirda, tatbiq etiladi. Bunda yosh oila boʻlgan er-хotinning olgan ipoteka kreditlarini hamda ular boʻyicha hisoblangan foizlarni toʻlashga yoʻnaltirilgan ish haqiga va boshqa daromadlariga nisbatan soliq imtiyozi er-хotin yoki ulardan biri belgilangan yoshga toʻlguniga qadar, ushbu imtiyozdagi kvartiralarning qiymati va byudjetdan ajratilgan subsidiyalar boʻyicha belgilangan shartlar inobatga olinmagan holda qoʻllaniladi (SK 378-m. 16-b.).

Demak, ipoteka kreditini yosh oila boʻlgan er-хotin olgan boʻlsa, u holda ushbu imtiyozni qoʻllash uchun kvartiraning qiymati va byudjetdan ajratilgan subsidiyalar boʻyicha shartlar bajarilishi talab etilmaydi. Savolingizda aytilgan yosh oila boʻlmish er-хotin ipoteka krediti va u boʻyicha hisoblangan foizlarni qoplashga yoʻnaltirilgan daromadlariga nisbatan imtiyoz qoʻllaniladi. Lekin kalendar yili davomida 15 mln.soʻmgacha boʻlgan summaga nisbatangina qoʻllaniladi, bu me’yor yosh oilalar uchun berilgan imtiyozda saqlanib qolgan.