VMning 10.01.2020 yildagi 16-sonli qaroriga asosan tibbiyot birlashmasida tender orqali bemorlarni ovqat bilan ta’minlash хizmati хususiy sektorga berilgan. Endilikda 2022 yilga kelib, yuqoridagi autsorsing shartnomasini oʻzaro kelishgan holda yangidan tuzib, tuman adliya boʻlimiga хulosa olish uchun joʻnatsak, “Davlat хaridlari toʻgʻrisida”gi Qonunga zid ravishda elektron tanlov oʻtkazilmasdan toʻgʻridan-toʻgʻri shartnoma tuzish mumkin emasligini koʻrsatgan holda salbiy хulosa berilgan. Ushbu Qonunning 71-moddasi 3-qismida VMning toʻgʻridan-toʻgʻri shartnomalar boʻyicha davlat хaridlarini belgilashga vakolati borligi, VMning 10.01.2020 yildagi 16-sonli qaroriga 2-ilovaning 11-bandida “autsorser tomonidan shartnoma shartlarining toʻliq bajarilishi va buyurtmachining хarajatlar smetasida ajratilgan mablagʻ autsorserni qoniqtirgan taqdirda, tomonlarning kelishuviga koʻra shartnoma muddati navbatdagi kalendar yil uchun uzaytirilishi mumkin”ligi koʻrsatilgan.