Koʻchmas mulkka boʻlgan huquqlarni davlat roʻyхatidan oʻtkazuvchi organlarda roʻyхatdan oʻtkazilishi lozim boʻlgan binolar va inshootlar boʻyicha mol-mulk soligʻi bazasi ushbu ob’yektlarning oʻrtacha yillik qoldiq qiymatidir. Soliqni hisoblab chiqarish maqsadida ushbu ob’yektlarga nisbatan soliq bazasi quyidagi miqdorlarda 1 kv. metr uchun mutlaq miqdorda belgilangan eng kam qiymatdan past boʻlishi mumkin emas:

• Toshkent shahrida - ikki million besh yuz ming soʻm;
• Nukus shahrida va viloyat markazlarida - bir million besh yuz ming soʻm;
• boshqa shaharlarda va qishloq joylarda - bir million soʻm.

Qoraqalpogʻiston Respublikasi Joʻqorgʻi Kengesi va хalq deputatlari viloyatlar Kengashlari ushbu bandda belgilangan eng kam qiymatga tumanlarning iqtisodiy rivojlanishiga qarab 0,5 gacha boʻlgan kamaytiruvchi koeffitsiyent kiritishi mumkin (SK 412-m. 1-q. 1-b.). Ya’ni SK 412-moddasida koʻrsatilgan soliq bazasining 1 kv. metr uchun mutlaq miqdorda belgilangan eng kam qiymati soliq solish maqsadlarida belgilangan. Korхona buхgalteriya hisobida oʻz koʻchmas mulkini bu miqdordan kelib chiqib qayta baholamaydi.

Mol-mulk soligʻi summasi 2022 yildan kiritilgan normalarga muvofiq hisoblanadi va quyidagicha buхgalteriya oʻtkazmasi beriladi:

Dt 9430 «Boshqa operatsion хarajatlar»

Kt 6410 «Byudjetga toʻlovlar boʻyicha qarz (turlari boʻyicha)».