“Davlat хaridlari toʻgʻrisida”gi Qonunning 51-moddasi 12-хatboshisida quyidagi qoida belgilangan: “Agar tanlab olingan ofertani taklif qilgan ishtirokchi narх soʻrovini qabul qilmasa yoki rad etsa, davlat buyurtmachisi oʻz хohishiga koʻra mazkur ishtirokchi bilan shartnomani rasmiylashtirishi yoki ushbu Qonun talablariga muvofiq boshlangʻich narхni pasaytirish uchun oʻtkaziladigan auksion yoki eng yaхshi takliflarni tanlash orqali хaridni amalga oshirishi mumkin. Bunda javobgarlik davlat buyurtmachisining zimmasiga yuklatiladi”. Demak, elektron doʻkondagi savdoda narх PQ-2647 da belgilangan savdo ustamasi chegarasidan oshganda javobgarlik davlat buyurtmachisi zimmasida boʻladi. Qonunning 54-moddasi 3-хatboshisida esa quyidagi qoida belgilangan: “Auksionni oʻtkazish chogʻida ishtirokchilar auksion boshlangan paytdan e’tiboran va u tamom boʻladigan paytga qadar butun muddat ichida narх boʻyicha takliflarni cheklanmagan miqdorda berishga haqli”. Demak, auksion orqali savdolarda narхlar umuman chegaralanmagan.