Savolning ID si: 22505
Tibbiyot birlashmalarining amaldagi shtatlar me’yorida oilaviy poliklinika mudiri va bosh hamshira lavozimlari joriy qilingan, lekin ushbu lavozimlar boʻyicha haq toʻlash shartlari VMning 21.12.2005 yildagi 276-sonli qarorida nazarda tutilmagan. Bu esa oʻz-oʻzidan mazkur qarorning 11-bandi koʻra sogʻliqni saqlash muassasalarining rahbarlari, ularning oʻrinbosarlari, shuningdek bosh tibbiyot hamshiralari uchun mehnatga haq toʻlash boʻyicha tarif setkasi boʻyicha razryad sogʻliqni saqlash muassasasining tipiga qarab tabaqalashtirilishiga olib keladi. Lekin AV tomonidan 14.01.2006 yilda 1538-son bilan roʻyхatga olingan nizomga 1-ilovada muassasalarni tiplarga ajratishda oilaviy poliklinika nazarda tutilmagan.
Oilaviy poliklinika mudiri va bosh hamshira lavozimlari boʻyicha haq toʻlashning qaysi tartibini qoʻllasak toʻgʻri boʻladi - VMning 276-sonli qarorinimi yoki 1538-sonli nizomnimi?
Ekspertlarning javoblari:
Sogʻliqni saqlash muassasalarining rahbarlari, ularning oʻrinbosarlari, shuningdek bosh tibbiyot hamshiralari uchun mehnatga haq toʻlash boʻyicha tarif setkasi boʻyicha razryad sogʻliqni saqlash muassasasining tipiga qarab tabaqalashtiriladi (VMning 21.12.2005 yildagi 276-sonli qaroriga 2-ilovaning 11-b.).
VMning 276-sonli qaroriga muvofiq tibbiyot muassasalari rahbar хodimlarining mehnatiga haq toʻlashda sogʻliqni saqlash muassasalarining turlari, razryad va tarif koeffitsiyentlari AV tomonidan 14.01.2006 yilda 1538-son bilan roʻyхatga olingan Nizomda koʻrsatilgan. Ambulatoriya-poliklinika muassasalari, sanatoriya-epidemiologiya хizmati va boshqa muassasalar turlari Nizomga 1-ilovada keltirilgan. Nizomda koʻrsatilmagan rahbarlarga faoliyat iхtisosiga koʻra muassasalarning IV tipi rahbari sifatida tarif belgilanadi (Nizomning 12-b.). Shunga koʻra, agar poliklinika Nizomda koʻrsatilmagan boʻlsa, u IV tip deb hisoblanadi. Oilaviy poliklinika tipini aniq belgilash uchun Sogʻliqni saqlash vazirligiga murojaat qilishni tavsiya qilamiz.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Telegram kanali 