Тиббиёт бирлашмаларининг амалдаги штатлар меъёрида оилавий поликлиника мудири ва бош ҳамшира лавозимлари жорий қилинган, лекин ушбу лавозимлар бўйича ҳақ тўлаш шартлари ВМнинг 21.12.2005 йилдаги 276-сонли қарорида назарда тутилмаган. Бу эса ўз-ўзидан мазкур қарорнинг 11-банди кўра соғлиқни сақлаш муассасаларининг раҳбарлари, уларнинг ўринбосарлари, шунингдек бош тиббиёт ҳамширалари учун меҳнатга ҳақ тўлаш бўйича тариф сеткаси бўйича разряд соғлиқни сақлаш муассасасининг типига қараб табақалаштирилишига олиб келади. Лекин АВ томонидан 14.01.2006 йилда 1538-сон билан рўйхатга олинган низомга 1-иловада муассасаларни типларга ажратишда оилавий поликлиника назарда тутилмаган.