Korхonamiz zavoddan kabel sotib olganida, zavod EHFda kabeldan keyingi qatorda tarani (barabanni) QQS summasini ajratib alohida yozib beradi. Shartnomaga koʻra tarani qaytarish iхtiyoriy, tara uchun garov summasi koʻzda tutilmagan, ammo biz uning pulini toʻlab beramiz. Agar biz tarani qaytarib bersak, zavoddagilar qabul qilayotganda biz olgan bahodan kamroqqa QQS summasini ajratgan holda qaytarish dalolatnomasi tuzib olib qolishadi. Bu haqida shartnomada tara iхtiyoriy qaytarilganda, zavod tomonidan tariflar asosida baholanib foizlarda kamaytirilishi yozilgan. Biz shu qaytarish dalolatnomasiga asosan tarani olgan qiymatimizdan kamroqqa qaytarish dalolatnomasidagi baholangan summaga QQS summasini ajratib EHF yozib beramiz. Masalan, zavoddan bitta barabanni 1150000 soʻmga olgan boʻlsak, bunda 150000 soʻm QQS ajratib koʻrsatilgan va biz hisobga olganmiz. Qaytarib berishda zavod uni 92000 soʻmga olib qolyapti, bunda 120000 soʻm QQS hisoblanadi. Biz zavodga barabanni qaytarayotganimizda qaytarish dalolatnomasiga asosan qoʻshimcha EHFni ular rasmiylashtirishlari kerakligini aytsak, ular rad etishyapti. Lekin shartnomada zavod barabanni qaytib sotib olishi koʻrsatilmagan, qaytarib oladi deyilgan.