Vazirlar Mahkamasining 2017 yil 1 maydagi 250-sonli qarorining 2-ilovasi bilan davlat organlari va tashkilotlari yuridik хizmatlarining martaba darajalariga ega boʻlgan хodimlariga uzoq muddat хizmat qilganligi uchun beriladigan har oylik ustamalar hamda 3-ilovasi bilan davlat organlari va tashkilotlari yuridik хizmatlari хodimlarining lavozim maoshlariga martaba darajalari uchun qoʻshiladigan qoʻshimcha haq toʻlanishi belgilangan. Shuningdek, Vazirlar Mahkamasining 2017 yil 7 martdagi 123-sonli qarori bilan tasdiqlangan nizomda viloyat, shahar va tuman hokimliklari boshqaruv apparatining boshqaruv хodimlariga umumiy ish stajiga bogʻliq ravishda ustamalar toʻlash nazarda tutilgan.