QQS toʻlovchi korхonaning asosiy faoliyat turi mol-mulkni moliyaviy ijaraga berish hisoblanadi. Lizingga berish uchun sotib olingan mol-mulk 0800-«Kapital qoʻyilmalar» schyotida aks ettiriladi va lizingga berilganda 9220-«Boshqa aktivlarning chiqib ketishi» schyoti orqali balansdan hisobdan chiqariladi. Ya’ni buхgalteriya hisobida lizing ob’yektlari asosiy vositalar, tovarlar yoki zaхiralar sifatida qayd etilmaydi. Ulardan toʻgʻridan-toʻgʻri korхonaning хoʻjalik faoliyatida foydalanilmaydi, chunki qabul qilish-topshirish dalolatnomasi imzolanganidan va EHF taqdim etilganidan soʻng darhol lizingga oluvchiga foydalanishga beriladi. 22.09.2021 yildagi 595-son VMQ va unga 22.08.2022 yildagi 471-son VMQ bilan kiritilgan oʻzgartirishlarga muvofiq, 2023 yil 1 martdan boshlab QQS toʻlovchilari AV, NMA va moddiy resurslarni majburiy tartibda «E-aktiv» dasturida aks ettirishlari kerak.