Korхona QQS va foyda soligʻini toʻlaydi. SKning 444-moddasi 1-qismiga muvofiq suv resurslarining yer usti va yer osti manbalaridan olingan suv hajmi suvdan foydalanishning buхgalteriya (dastlabki) hisobi hujjatlarida aks ettirilgan suv oʻlchagich asboblar koʻrsatkichlari asosida aniqlanadi. Korхonada 4 ta suv oʻlchagich asbob oʻrnatilgan, ulardan bittasi tutash hududni sugʻorish hajmini aniqlash uchun moʻljallangan. Hisoblagichlar koʻrsatkichlari boʻyicha ma’lumotlarga koʻra 2022 yilda foydalanilgan suv hajmi 100 kub metrni tashkil qilgan, buni biz buхgalteriya hisobida aks ettirganmiz. «Suvsoz» DUK ma’lumotlariga koʻra 700 kub metr boʻlgan. Sugʻorishga hisoblagich oʻrnatilganda hajm ushbu hisoblagich ma’lumotlari boʻyicha emas, balki tarif boʻyicha suvning kub metrlariga qarab hisoblanishi haqida bizni ogohlantirishmagan.