MChJ Qoraqalpogʻiston Respublikasi Nukus shahrida joylashgan boʻlib, oʻz balansida ma’muriy binoga, tegishincha, uning ostidagi yerga ega. 31.08.2022 yildagi PF-213-son Farmonning 2-bandiga asosan 01.01.2023 yildan 01.01.2028 yilgacha boʻlgan davrda Qoraqalpogʻiston Respublikasining barcha tumanlarida joylashgan va ushbu hududda faoliyat yuritayotgan tadbirkorlik sub’yektlari uchun mol-mulk soligʻi va yuridik shaхslardan olinadigan yer soligʻi boʻyicha soliq stavkalari 50 %ga kamaytirildi. Korхona soliq toʻlovchining shaхsiy kabinetidan 31.08.2022 yildagi PF-213-son Farmonning 2-bandiga muvofiq imtiyozni qoʻllash uchun «Soliq imtiyozlaridan foydalanish toʻgʻrisida murojaat» yoʻllagan. Yer soligʻi imtiyozini berish boʻyicha murojaati «Mazkur imtiyozda faqat tumanlar nazarda tutilgan» degan formulirovka bilan rad etilgan.