Oliy va oʻrta maхsus, kasb-hunar ta’limi tashkilotlarida kechki yoki sirtqi ta’lim shakli boʻyicha oʻqiyotgan хodimlarga laboratoriya-imtihon sessiyalarida ishtirok etgan davr uchun oʻrtacha ish haqi saqlangan holda har yili oʻquv ta’tillari beriladi (MK 385-m.). «Ta’lim toʻgʻrisida»gi Qonunga asosan Oʻzbekistonda ta’lim tashkilotlari davlat ta’lim standartlariga, davlat ta’lim talablariga hamda oʻquv dasturlariga muvofiqlik jihatidan attestatsiyadan va davlat akkreditatsiyasidan oʻtkaziladi (Qonunning 58-m.). Demak, ta’lim tashkiloti deganda Oʻzbekistonda akkreditatsiyadan oʻtkazilgan tashkilot tushuniladi. Shunga asosan, Mehnat kodeksining 385-moddasida koʻzda tutilgan kafolatlar va kompensatsiyalar Oʻzbekistonda akkreditatsiyadan oʻtgan ta’lim tashkilotlarida kechki yoki sirtqi ta’lim shakli boʻyicha ta’lim olayotgan хodimlarga beriladi.