Олий ва ўрта махсус, касб-ҳунар таълими ташкилотларида кечки ёки сиртқи таълим шакли бўйича ўқиётган ходимларга лаборатория-имтиҳон сессияларида иштирок этган давр учун ўртача иш ҳақи сақланган ҳолда ҳар йили ўқув таътиллари берилади (МК 385-м.). «Таълим тўғрисида»ги Қонунга асосан Ўзбекистонда таълим ташкилотлари давлат таълим стандартларига, давлат таълим талабларига ҳамда ўқув дастурларига мувофиқлик жиҳатидан аттестациядан ва давлат аккредитациясидан ўтказилади (Қонуннинг 58-м.). Демак, таълим ташкилоти деганда Ўзбекистонда аккредитациядан ўтказилган ташкилот тушунилади. Шунга асосан, Меҳнат кодексининг 385-моддасида кўзда тутилган кафолатлар ва компенсациялар Ўзбекистонда аккредитациядан ўтган таълим ташкилотларида кечки ёки сиртқи таълим шакли бўйича таълим олаётган ходимларга берилади.
Жавоблар улар эълон қилинган санада долзарб ҳисобланади.