Har yilgi mehnat ta’tili har yili, ushbu ta’til berilayotgan ish yili tugaguniga qadar ta’tillar jadvalida belgilangan  navbatiga muvofiq berilishi kerak (MK 228 va 230–m.). Shunga koʻra, хodimga joriy yil uchun ta’til yilning boshida tuzilgan jadvalga qarab beriladi.

Xodimlarga ish davrida, ularning хohishiga koʻra, yillik ta’tilning eng oz muddatidan ortiqcha qismi uchun pullik kompensatsiya toʻlanishi mumkin. Shunga asosan, oʻtgan yillar, ya’ni yangi Mehnat kodeksi kuchga kirgunga qadar (30.04.2023 yilgacha) boʻlgan davrlar uchun ta’tillarning eski Mehnat kodeksi bshchyicha eng oz muddatidan ortiqcha qismi uchun pullik kompensatsiya toʻlanishi mumkin. Eski Mehnat kodeksiga koʻra ta’tilning belgilangan eng oz muddati 15 ish kunidan iborat (Eski MK 134 va 151-m.). Demak oldingi yillar ta’tillarining 15 ish kunidan ortiqchasi uchun kompensatsiya toʻlanishi mumkin, har yilning 15 ish kunidan esa asli holida foydalaniladi va ularni pullik kompensatsiya bilan almashtirishga yoʻl qoʻyilmaydi.