Savolning ID si: 26066
Xodim 1985 yil ishga qabul qilingan va 2010 yil aprel oyida хodim bilan jinoyat ishi sababli mehnat shartnomasi bekor qilingan. Shu davrda foydalanilmagan 11 yillik mehnat ta’tili uchun kompensatsiya hisoblanmagan. Ushbu хodim 2014 yil fevral oyida mehnat shartnomasiga asosan qayta ishga qabul qilingan va 2022 yil fevral oyida nafaqa yoshiga yetganligi sababli mehnat shartnomasi bekor qilingan.
Ushbu хodimning 1985-2010 yillar uchun foydalanilmagan mehnat ta’tili uchun kompensatsiya qanday tartibda hisob-kitob qilinadi? Kompensatsiya toʻlovi uchun oʻrtacha ish haqini hisoblashda qaysi davr hisobga olinadi - 2009-2010 yillardagi oʻrtacha ish haqimi yoki keyingi davrdagi oʻrtacha ish haqimi?
Ekspertlarning javoblari:
Mehnat shartnomasi bekor qilinganda хodimga foydalanilmagan barcha yillik asosiy va qoʻshimcha ta’tillar uchun pullik kompensatsiya toʻlanadi (eski Mehnat kodeksining 151-m.). Xodim bilan 2010 yilda mehnat shartnomasi bekor qilinganda foydalanilmagan ta’til uchun kompensatsiya toʻlanishi kerak edi. Shundan kelib chiqib, хodim birinchi marta 2010 yilda, ikkinchi marta 2022 yilda ishdan boʻshaganligini inobatga olib, 1985-2010 yillarda foydalanilmagan ta’tillar uchun 2010 yildagi ish haqidan, 2014-2022 yillarda foydalanilmagan ta’tillar uchun 2022 yildagi ish haqidan kelib chiqib kompensatsiya hisoblanadi.
Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan
qoidalarga
amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.
Javoblar ular e’lon qilingan sanada dolzarb hisoblanadi.
Telegram kanali 