Саволнинг ID си: 26066
Ходим 1985 йил ишга қабул қилинган ва 2010 йил апрель ойида ходим билан жиноят иши сабабли меҳнат шартномаси бекор қилинган. Шу даврда фойдаланилмаган 11 йиллик меҳнат таътили учун компенсация ҳисобланмаган. Ушбу ходим 2014 йил февраль ойида меҳнат шартномасига асосан қайта ишга қабул қилинган ва 2022 йил февраль ойида нафақа ёшига етганлиги сабабли меҳнат шартномаси бекор қилинган.
Ушбу ходимнинг 1985-2010 йиллар учун фойдаланилмаган меҳнат таътили учун компенсация қандай тартибда ҳисоб-китоб қилинади? Компенсация тўлови учун ўртача иш ҳақини ҳисоблашда қайси давр ҳисобга олинади - 2009-2010 йиллардаги ўртача иш ҳақими ёки кейинги даврдаги ўртача иш ҳақими?
Экспертларнинг жавоблари:
Меҳнат шартномаси бекор қилинганда ходимга фойдаланилмаган барча йиллик асосий ва қўшимча таътиллар учун пуллик компенсация тўланади (эски Меҳнат кодексининг 151-м.). Ходим билан 2010 йилда меҳнат шартномаси бекор қилинганда фойдаланилмаган таътил учун компенсация тўланиши керак эди. Шундан келиб чиқиб, ходим биринчи марта 2010 йилда, иккинчи марта 2022 йилда ишдан бўшаганлигини инобатга олиб, 1985-2010 йилларда фойдаланилмаган таътиллар учун 2010 йилдаги иш ҳақидан, 2014-2022 йилларда фойдаланилмаган таътиллар учун 2022 йилдаги иш ҳақидан келиб чиқиб компенсация ҳисобланади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 