Xodimlarning har yilgi asosiy va qoʻshimcha mehnat ta’tillarining davomiyligi kalendar kunlarda hisoblab chiqariladi. Har yilgi mehnat ta’tili davriga toʻgʻri keladigan ishlanmaydigan bayram kunlari mehnat ta’tillarining davomiyligini belgilashda hisobga olinmaydi (MK 221-m.). Quyidagi kunlar ishlanmaydigan bayram kunlaridir:

- 1 yanvar - Yangi yil;

- 8 mart - Xotin-qizlar kuni;

- 21 mart - Navroʻz bayrami;

- 9 may - Xotira va qadrlash kuni;

- 1 sentyabr - Mustaqillik kuni;

- 1 oktyabr - Oʻqituvchi va murabbiylar kuni;

- 8 dekabr - Oʻzbekiston Respublikasi Konstitutsiyasi kuni;

- Roʻza hayit (Iyd al-Fitr) diniy bayramining birinchi kuni;

- Qurbon hayit (Iyd al-Adha) diniy bayramining birinchi kuni (MK 208-m.).

Shunga koʻra, mehnat ta’tili hisoblanganda faqat  koʻrsatilgan bayram kunlari hisoblanmay, qolgan barcha kunlar hisoblanadi.

Misol uchun: хodimga 25.09.2023 yildan 21 kalendar kundan iborat ta’til berildi. Bunda ushbu ta’tilning oхirgi kuni 16.10.2023 yilga toʻgʻri keladi. Ta’til davriga toʻgʻri kelgan 1 oktyabr (Oʻqituvchi va murabbiylar kuni) hisobga kiritilmaydi, 2 oktyabrga koʻchirilgan dam olish kuni va qolgan dam olish kunlari hisobga kiritiladi.