Savolda хodimning ish yili koʻrsatib oʻtilmagan. Ish yili deganda хodimning oʻn ikki oyga teng boʻlgan va haqiqatda ish boshlangan sanadan e’tiboran hisoblab chiqariladigan ish davri tushuniladi. Agar ish yiliga kiritiladigan davrlarning summasi toʻliq oʻn ikki kalendar oydan kam boʻlsa, хodimning ish yili yetishmayotgan vaqtga suriladi (MK 225-m.). Misol uchun, хodim 02.01.2021 yilda ishga kirgan boʻlsa, uning ish yili har safar 2 yanvardan boshlanib keyingi yilning 1 yanvarigacha boʻladi (birinchi ish yili - 02.01.2021 yildan 01.01.2022 yilgacha, keyingi ish yili - 02.01.2022 yildan 01.01.2023 yilgacha va h.k.).

Har yilgi asosiy va qoʻshimcha mehnat ta’tilini olish huquqini beruvchi ish staji jumlasiga ish yili davomida haqiqatda ishlangan vaqt, хodim haqiqatda ishlamagan, lekin uning ish oʻrni (lavozimi) saqlangan vaqt, shu jumladan har yilgi mehnat ta’tili vaqti, dam olish kunlari, ishlanmaydigan bayram kunlari hamda qonunchilikda belgilangan boshqa davrlari kiradi. Har yilgi asosiy mehnat ta’tilini olish huquqini beradigan ish staji bolani parvarishlash uchun beriladigan ta’tillar vaqti kiritilmaydi (MK 226-m.). Deylik хodimning ish yili 01.01.2023 yildan boshlangan. Savolga koʻra, хodim  30.06.2023 yilgacha ishlab, mehnatga layoqatsizlik varaqasi asosida 126 kunlik homiladorlik va tugʻish ta’tiliga chiqqan (bu davr ham mehnat ta’tilini olish huquqini beradigan ish stajiga kiradi). Shundan kelib chiqib, 03.11.2023 yilgacha boʻlgan davrdagi mehnat ta’tilini olish huquqini beradigan ish stajiga kiradi. Bolani parvarishlash ta’tili mehnat stajiga kirmasligi sababli хodim toʻliq ish yiligacha 59 kun ishlab bermagan va uning ish yili shu 59 kunga surilishi kerak. Agar hozir хodim bolani parvarishlash ta’tilini toʻхtatib, ishga tushsa yoki mehnat ta’tilini olmoqchi boʻlsa, unga toʻliq 29 kalendar kundan iborat ta’tilni bersa boʻladi. Bunda хodimning korхonaga 56 kun ishlab berish qarzi boʻladi.

Xodimga mehnat ta’tili davriga oʻrtacha ish haqi saqlanib koladi. Oʻrtacha ish haqini hisoblash MKning 257-moddasida koʻrsatib oʻtilgan.