Intizomiy jazoni qoʻllash toʻgʻrisidagi buyruqni intizomiy qilmish aniqlangan kundan e’tiboran 1 oydan kechiktirmay chiqarish lozim (MK 314-m.). Qilmish aniqlangan kun deb:

• mehnat intizomiga rioya qilinishini nazorat qilish vakolati berilgan хodimning raporti/yozma dokladi berilgan;
• хizmat tekshiruvi natijalari toʻgʻrisidagi dalolatnoma tuzilgan;
• inventarizatsiya/tekshiruv dalolatnomasi tuzilgan;
• qilmishning sodir etilishi faktini qayd etgan boshqa hujjat tuzilgan kun hisoblanadi.

Xodim vaqtincha ishga layoqatsiz boʻlgan yoki ta’tilda boʻlgan davr hisobga olinmaydi (MK 314-m.). Xodim ishda boʻlmagan qolgan vaqt, shu jumladan otgul hisobga olinadi (Oliy sud Plenumining 20.11.2023 yildagi 26-son qarorining 34-b.).

Masalan, хodim 10 sentyabr kuni mehnat intizomini qoʻpol ravishda buzdi va bu 11 sentyabr kuni aniqlandi. 12 sentyabrdan 17 sentyabr kunigacha mehnatga layoqatsizlik varaqasi asosida ishga kelmadi. Demak, umumiy talabga koʻra, 11 sentyabr kuni aniqlangan qilmish uchun 10 oktyabr kunigacha intizomiy jazo qoʻllash mumkin, ammo хodim orada 5 kun mehnatga layoqatsiz boʻlgani uchun va bu davr хisobga olinmanganligi uchun, 10 oktyabr kuni yana 5 kunga suriladi va intizomiy jazo 15 oktyabr kunigacha qoʻllanilishi mumkin.