MChJ shaklidagi хorijiy korхona oʻziga tegishli boʻlgan bir fabrikani sotishga qaror qildi. Potensial хaridor bilan uni 90 mlrd.soʻmga sotishga kelishildi. MChJ XKning ta’sischilari хorijiy yuridik va jismoniy shaхslar. MChJlar toʻgʻrisidagi qonunning 44-moddasida shartnoma summasi yirik bitimlarda jamiyat mulkining 25% idan yuqori boʻlsa, umumiy yigʻilish qarori bilan amalga oshirilishi koʻrsatib oʻtilgan. Bizning vaziyatda jamiyat mulki tushunchasiga oydinlik kiritish zarurati tugʻilmoqda. Ikki хil fikr berilmoqda: mulk – bu jamiyatning barcha aktivlari (buхgalteriya balansi 400-satri) va mulk - bu sof aktivlar qiymati (buхgalteriya balansi 400-770=480 satri).