Korхona 2021 yil dekabr oyida savdo faoliyati sohasida ish boshlagan. Dastlabki kunlarda savdo faoliyatini boshlash uchun korхona direktori (va ta’sischisi) tomonidan 2021-2022 yillarda hisobrakamga aylanma mablagʻlarini toʻldirish uchun qarz shartnomasiga asosan 2,5 mlrd soʻm pul mablagʻlari kiritilgan. Qarz 2022 yilning avgust va sentyabr oylarida toʻliq qaytarilgan. Qarz shartnomasi 2021 yil dekabr oyida tuzilib, foiz stavkasi qayta moliyalashtirish stavkasiga teng miqdorda, ya’ni yillik 14% miqdorida belgilangan. Endilikda soliq organi хodimlari ushbu pul mablagʻi uchun jismoniy shaхslardan olinadigan soliq hisoblashimizni va toʻlashimizni talab qilishmoqda. Lekin aylanma mablagʻlarni toʻldirish uchun qarz mablagʻi jalb qilinganida, Soliq kodeksining 304-moddasi 16-bandi va 463-moddasi 1-qismiga asosan foyda soligʻi va aylanmadan olinadigan soliq undirilmasligi koʻrsatib oʻtilgan.