2025 yil 3 iyulda soliq organining 2022-2024 yillar uchun soliq auditi oʻtkazish toʻgʻrisidagi buyrugʻi chiqarildi. 2025 yil 10 iyulda korхona ushbu sanaga qoldiqda boʻlgan TMZlarni realizatsiya qilish uchun 2025 yil 30 iyun sanasi bilan hisobvaraq-faktura rasmiylashtirdi. 14 iyulda soliq hisob-kitoblarini topshirdi va soliqlarni, shu jumladan ushbu operatsiya boʻyicha soliqlarni toʻladi. Biroq soliq auditini oʻtkazayotgan soliq organi хodimlari hisobvaraq-fakturaning tekshirish davrida rasmiylashtirilganligi sababli uni va uning boʻyicha soliq hisob-kitoblarini e’tiborga olmaslikka qaror qildilar. Ular korхonaga 20% miqdorida jarima soldilar va 4% stavka boʻyicha aylanma soligʻini hisobladilar. 14 iyulda soliq auditi natijalari boʻyicha dalolatnoma tuzdilar, 8 avgust 2025 yilda esa jarima solish toʻgʻrisida qaror chiqardilar.