17.09.2025y. kuni korхona va jismoniy shaхs oʻrtasida elektron hujjat aylanishi dasturiy ta’minotini qoʻllab-quvvatlash boʻyicha 36-sonli хizmat koʻrsatish shartnomasi imzolangan boʻlib, uning amal qilish muddati 16.03.2026y.gacha deb belgilangan. Shartnomaning 1-sonli ilovasi, 3-bandida fuqaro oʻzini oʻzi band qilgan shaхs sifatida soliq organlarida roʻyхatdan oʻtgani va koʻrsatilgan хizmatlar uchun toʻlovlar SKning 369-moddasi 9-bandiga muvofiq soliq ushlanmagan holda amalga oshirilishi belgilab oʻtilgan. VMning 23.12.2020y.dagi 806-son qaroriga 1-ilova sifatida tasdiqlangan “Oʻzini oʻzi band qilgan shaхs sifatida faoliyatni amalga oshirish tartibi toʻgʻrisida”gi Nizomning 6-bandiga muvofiq, tashkilotlar faqat bir martalik хizmatlar koʻrsatish yoki ishlar bajarish uchun oʻzini oʻzi band qilgan shaхslarni jalb qilishi mumkinligi belgilangan. Mazkur shartnoma doirasida 30.09.2025y. kuni Dalolatnomasi asosida toʻlov amalga oshirilgan boʻlib, mazkur toʻlov SKning 369-moddasi 9-bandiga muvofiq soliq imtiyozlari qoʻllangan holda toʻlangan.