17.09.2025й. куни корхона ва жисмоний шахс ўртасида электрон ҳужжат айланиши дастурий таъминотини қўллаб-қувватлаш бўйича 36-сонли хизмат кўрсатиш шартномаси имзоланган бўлиб, унинг амал қилиш муддати 16.03.2026й.гача деб белгиланган. Шартноманинг 1-сонли иловаси, 3-бандида фуқаро ўзини ўзи банд қилган шахс сифатида солиқ органларида рўйхатдан ўтгани ва кўрсатилган хизматлар учун тўловлар СКнинг 369-моддаси 9-бандига мувофиқ солиқ ушланмаган ҳолда амалга оширилиши белгилаб ўтилган. ВМнинг 23.12.2020й.даги 806-сон қарорига 1-илова сифатида тасдиқланган “Ўзини ўзи банд қилган шахс сифатида фаолиятни амалга ошириш тартиби тўғрисида”ги Низомнинг 6-бандига мувофиқ, ташкилотлар фақат бир марталик хизматлар кўрсатиш ёки ишлар бажариш учун ўзини ўзи банд қилган шахсларни жалб қилиши мумкинлиги белгиланган. Мазкур шартнома доирасида 30.09.2025й. куни Далолатномаси асосида тўлов амалга оширилган бўлиб, мазкур тўлов СКнинг 369-моддаси 9-бандига мувофиқ солиқ имтиёзлари қўлланган ҳолда тўланган.