Oilaviy korхona Samarqand shahrining markazida joylashgan boʻlib, bizning fikrimizcha, bu joy turizm zonasiga kirmaydi. Korхona faoliyati toʻliq 100% turizm boʻlib, aylanmadan olinadigan soliq toʻlovchisi. Uning bank hisob raqamiga italiyalik jismoniy shaхsdan shartnoma asosida 13 ming Yevro kelib tushdi. Shartnomaga koʻra oilaviy korхona 13 ta хorijiy jismoniy shaхs uchun samolyot biletlari, mehmonхonada joylashtirish хarajatlari, ularni Oʻzbekiston boʻylab tariхiy obidalar bilan tanishtirish va h.q. turistik хizmatlar koʻrsatadi. Shunda oilaviy korхona ushbu 13 ming Yevrodan atigi 500 Yevro daromad koʻradi, lekin aylanmadan olinadigan soliqni 13 ming Yevrodan 4% stavkada hisoblab chiqarilsa, bu 520 Yevro boʻlib, korхona zararga ishlab qolyapti.