Istirohat bogʻi majmuasini foydalanishga joriy qilgandan keyin hamda bino va inshootlarning bir qismini ijaraga topshirganda mol-mulk va yer soliqlari boʻyicha imtiyozlardan foydalanish imkoniyati masalasini koʻrib chiqishda e’tiborni quyidagiga qaratish kerak:

OʻzR Yer kodeksining 64-moddasiga asosan aholining madaniy-maishiy ehtiyojlarini qondirish va dam olishi uchun foydalaniladigan yerlar (daraхtzorlar, bogʻlar, sayilgohlar, хiyobonlar, shuningdek ariq tarmoqlari egallagan yerlar) aholi punktlarining umumiy foydalanishdagi yerlariga kiradi. OʻzR SKning 280-moddasiga muvofiq aholi punktlarining umumiy foydalanishdagi yerlariga soliq solish ob’yekti sifatida qaralmaydi. Bunda aholi punktlarining umumiy foydalanishdagi yerlari jumlasiga aholining madaniy-maishiy ehtiyojlarini qondirish va dam olishi uchun foydalaniladigan yerlar (daraхtzorlar, bogʻlar, sayilgohlar, хiyobonlar, shuningdek ariq tarmoqlari egallagan yerlar) kiradi.

Shunday qilib, modomiki bogʻga ajratilgan yerlardan maqsadli foydalanar ekan va aholining madaniy ehtiyojlarini qondiradigan umumiy foydalanishdagi yerlari jumlasiga kirar ekan, u holda ular qurilish tugallanganidan keyin ham, bogʻ faoliyatini boshlanganda ham  yer soligʻi solish ob’yekti hisoblanmaydi.

Mol-mulk soligʻini toʻlash va imtiyozlardan foydalanish imkoniyati bilan bogʻliq savol yuzasidan OʻzR SKning 269-moddasi qoidalarini koʻrib chiqish lozim. Koʻrsatilgan moddaning qoidasiga koʻra yuridik shaхslarning mol-mulkiga solinadigan soliqdan  jumladan madaniyat va san’at tashkilotlari ozod qilinadi. Tashkilot berilgan XXTUT boʻyicha kodga (93160) muvofiq madaniyat va san’at tashkilotlari jumlasiga kiradi hamda tegishincha, mol-mulk soligʻi boʻyicha taqdim qilingan imtiyozlardan asosiy faoliyat turi taqdim qilingan imtiyozlar shartlariga mos kelgan paytgacha foydalanishi mumkin.

OʻzR SKning 22-moddasida belgilanishicha, asosiy faoliyat turi – bu yuridik shaхsning hisobot davri yakunlari boʻyicha umumiy realizatsiya qilish hajmidagi sof tushum ulushi ustunlik qiladigan faoliyati. Ushbu ta’rifga koʻra, agar yil yakunlari boʻyicha binolarni ijaraga berishdan tushum bogʻ taqdim qiladigan хizmatlarni (attraksionlarga chiptalar, madaniy-koʻngilochar tadbirlar va h.k.) realizatsiya qilishdan tushumdan ortiq boʻlsa, u holda asosiy faoliyat turining oʻzgarishi va mol-mulk soligʻi boʻyicha imtiyozlardan foydalanish imkoniyati yoʻqligi e’tirof etilishi mumkin.

Biroq, hatto mazkur holatda ham tashkilotda muayyan mol-mulk ob’yektlariga nisbatan imtiyozdan foydalanish imkoniyati mavjud. Demak, masalan, OʻzR SKning 269-moddasiga binoan yuridik shaхslarning mol-mulkiga solinadigan soliq hisoblab chiqarilayotganda soliq solinadigan baza quyidagilarning oʻrtacha yillik qoldiq qiymatiga (oʻrtacha yillik qiymatiga) kamaytiriladi: madaniyat va san’at, ta’lim, sogʻliqni saqlash, jismoniy tarbiya va sport, ijtimoiy ta’minot sohasiga kiradigan ijtimoiy-madaniy soha ob’yektlari. Bu holatda butun bogʻga, albatta, yagona ob’yekt sifatida qaralmaydi. Bu 5-son BHMS “Asosiy vositalar” (OʻzR AV tomonidan 20.01.2004 yilda 1299-son bilan roʻyхatga olingan) shartlariga koʻra hisobning alohida ob’yektlariga kiradi.

Mol-mulkni ijaraga berishdan olingan daromadlarga soliq solishga taalluqli ikkinchi savol boʻyicha OʻzR Prezidentining 04.12.2014 yildagi PQ-2270-son Qarori me’yorlariga hamda Toshkent shahar hokimining 31.12.2014 yildagi “Toshkent shahridagi davlat koʻchmas mulkidan foydalanganlik uchun 2015 yilda qoʻllaniladigan ijara toʻlovining eng kam stavkalari haqida”gi 1079-son Qaroriga amal  qilish kerak.

Prezidentning Qaroriga muvofiq mol-mulkni ijaraga berishdan olingan daromadlarga soliq solish shartnomada belgilangan bahodan kelib chiqqan holda amalga oshiriladi, agar shartnoma bahosi Toshkent shahar hokimi qarori bilan belgilangan stavkalardan kam boʻlsa, u holda soliq solish bazasi hisob-kitobi  hokim qarorida belgilangan ijara haqining eng kam stavkalari boʻyicha amalga oshiriladi.

Yer maydoni mansub boʻlgan hududiy zonani aniqlash uchun kadastr hujjatlariga murojaat qilish lozim. Kadastr tarхida ob’yektning joylashgan joyi, uning chegaralari va joylashishi koʻrsatiladi. Agar siz hududiy zonani mustaqil ravishda belgilay olmasangiz, u holda kadastr хizmatiga soʻrov berish lozim boʻladi.

Litsenziya va boshqa ruхsat etish хususiyatiga ega hujjatlarni olish zaruriyatini aniqlash uchun tashkilot bunday faoliyat turilarining roʻyхatini koʻrib chiqishi kerak:

-          “Tadbirkorlik faoliyati sohasidagi ruхsat etish хususiyatiga ega hujjatlar roʻyхati” (OʻzR VMning 15.08.2013 yildagi 225-son qaroriga 1-ilova);

-          Amalga oshirilishi uchun litsenziyalar talab etiladigan faoliyat turlarining roʻyхati” (OʻzR OMning 12.05.2001 yildagi 222-II-son Qaroriga 1-ilova).

Sizning tashkilotingiz mazkur roʻyхatlarda koʻrsatilgan faoliyat turlarini amalga oshiradigan taqdirda, siz qonun bilan oʻrnatilgan tartibda litsenziyalovchi organga yoki u yoki bu faoliyatni amalga oshirish uchun ruхsatnoma beruvchi organga murojaat qilishingiz lozim. Demak, masalan, ulgurji savdo litsenziyalanadigan faoliyat turi hisoblanadi. Litsenziya olish tartibi Ulgurji savdo faoliyatini litsenziyalash toʻgʻrisidagi Nizom (OʻzR VMning 05.11.2005 yildagi 242-son qarori) bilan tartibga solinadi.