Vazirlar Mahkamasining 2019-yil 24-dekabrdagi 1030-son qarori bilan tasdiqlangan Nizomning 6-bandida qo‘shimcha haq joriy yilda oxirgi 12 oy davomidagi faoliyat natijalari tahliliga ko‘ra belgilanishi nazarda tutilgan. Nizomning 9-bandi «g¹»kichik bandida davlat ilmiy dasturlari loyihalarini ko‘rib chiqadigan ilmiy-texnik kengashlarda har bir a’zolik (ishtirok etganlik), «l» kichik bandida esa ilmiy va ilmiy-ommabop jurnallar tahrir hay’ati a’zoligi uchun qo‘shimcha haq belgilash mezonlari ko’rsatilgan. Amaliyotda xodim 2023-yilda mazkur kengash yoki tahrir hay’ati a’zosi etib belgilangan, a’zolik esa hozirgi kunga qadar davom etmoqda.