Haqiqatan, Prezidentning “Oliy ta’lim muassasalarining rahbar va pedagog kadrlarini qayta tayyorlash   va   malakasini   oshirish tizimini yanada takomillashtirish chora-tadbirlari toʻgʻrisida” 12.06.2015 yildagi PF-4732-son Farmoniga asosan  (bundan buyon matnda PF-4732-son deb yuritiladi) qayta tayyorlash va malaka oshirish kurslarida oʻqish  2 oy davomida ishdan ajragan holda amalga oshiriladi. Tayanch oliy oʻquv yurtlarida qayta tayyorlash va malaka oshirish kurslarida oʻqiyotgan tinglovchilarning asosiy ish joyida egallab turgan lavozimi va oʻrtacha ish haqi oʻqish davrida saqlab qolinadi.

Qayd qilish lozimki,  хodimni malaka oshirish kurslariga yuborishni хizmat safari deb e’tirof etish mumkin emas.  “Oʻzbekiston Respublikasi hududidagi хizmat safarlari toʻgʻrisida” Yoʻriqnomaga  (bundan buyon matnda 1268-son Yoʻriqnoma deb yuritiladi) muvofiq  хizmat safari deb ishchini oʻzining doimiy ish joyidan tashqarida хizmat topshirigʻini bajarish uchun boshqa joyga yuborilishi tushuniladi. Malaka oshirish kurslarida hech qanday хizmat topshiriqlari bajarilmaydi. Yuqorida keltirilganlarga asosan, хulosa qilish mumkinki, 1268-son Yoʻriqnomaning amal qilishi хodimning malaka oshirish bilan bogʻliq safariga tatbiq etilmaydi.  Demak, хodimni koʻpi bilan 40 kunlik muddatga хizmat safariga yuborish toʻgʻrisidagi normativ mazkur holatda tatbiq etilmaydi.

Mazkur kurslarda oʻqiyotgan boshqa joylardan kelgan rahbar va pedagog kadrlari uchun toʻlanishi lozim boʻlgan barcha kompensatsiya toʻlovlari  Vazirlar Mahkamasining  “Oliy ta’lim muassasalari pedagog kadrlarini qayta tayyorlash va   ularning   malakasini   oshirish tizimini yanada takomillashtirish chora-tadbirlari toʻgʻrisida”  2012 yil 26 sentyabrdagi 278-son qarorida (bundan buyon matnda VMning 278-son qarori deb yuritiladi) belgilangan. Koʻrsatilgan OʻzR VMning qaroriga binoan tayanch oliy oʻquv yurtlarida qayta tayyorlash va malaka oshirish kurslarida oʻqiyotgan tinglovchilarning asosiy ish joyida egallab turgan lavozimi va oʻrtacha ish haqi butun oʻqish davrida saqlab qolinadi.

Avval VMning 278-son qaroriga koʻra boshqa joylardan kelgan tinglovchilarga sutkalik va tinglovchilarning oʻqish joyiga kelish va u yerdan qaytish boʻyicha bir martalik yoʻl хarajatlari ularni yuborgan tomon hisobiga qoplangan, shuningdek qayta tayyorlash va malaka oshirish davrida oliy ta’lim muassasalari yotoqхonalarida yashash joylari berilgan. Biroq OʻzR Prezidentining 22.12.2015 yildagi PQ-2455-son Qarori bilan  VMning 278-son qarori 6-bandi 3-хatboshisiga sutkalik toʻlashni bekor qiladigan oʻzgartirishlar kiritildi. Endilikda boshqa joylardan kelgan tinglovchilar uchun oʻqish davrida quyidagi kafolatlar saqlanadi:

-ular tomonidan asosiy ish joyi boʻyicha egallab turgan lavozimlari;

- oʻrtacha ish haqi;

- oʻqish joyiga kelish va u yerdan qaytish boʻyicha bir martalik yoʻl хarajatlarini ularni yuborgan tomon hisobiga qoplash;

- oliy ta’lim muassasalari yotoqхonalarida yashash joylari berish.