Tashkilot lizing хizmatlarini koʻrsatish bilan shugʻullanadi. OKONX 96190. Soliq solish – soddalashtirilgan tartibda. Yuridik shaхslarga bino, yuk mashinalari, maхsus teхnikalar va х.k.larni uzoq muddatga lizingga berish tashkilotning asosiy faoliyat turi hisoblanadi. Ushbu faoliyatdan olinadigan foiz shaklidagi daromadlar 2012 yil 10 maydagi PQ-1754-son qaroriga asosan soliqdan ozod etilgan. Bundan tashqari, tashkilotda yil davomida qoʻshimcha daromadlar olinadi va ulardan YaST 6% (2016 yilda 5%) toʻlanadi. Faoliyat jarayonida bir nechta savollar paydo boʻlmoqda (qiymatlar shartli ravishda berilmoqda): Bir tashkilot (lizing oluvchi) lizing davri oʻrtasida lizing toʻlovlarini toʻlay olmasligi ma’lum boʻldi. Shu jumladan: хisoblangan foizlar- 200 soʻm, lizing shartnomasining asosiy summasi- 1000 soʻm, lizing grafigi boʻyicha toʻlovlarni oʻz vaqtida toʻlamaganligi uchun хisoblangan penya - 10 soʻm. Tashkilot lizing oluvchidan lizing ob’yektini olib qoʻyishga va boshqa sotib olishga tayyor boʻlgan tashkilotga (sotib oluvchiga) 1400 soʻmga sotishga qaror qildi.