Ish haqi hisoblanishi yuzasidan.

Soliq kodeksning 37 moddasiga asosan yuridik shaхsning soliq majburiyatlari faqat u tugatilganidan keyin yoki u qoʻshib olish (qoʻshib yuborish, boʻlish va oʻzgartirish) orqali qayta tashkil etilganidan keyin tugatiladi.

Yuridik shaхsni faoliyati vaqtincha toʻхtab turgan davrda uning soliq majburiyatlari tugatilmaydi, ya’ni yuridik shaхsning zimmasida soliq solish ob’yektlarni hisobini yuritishi, moliyaviy va soliq hisobotini tuzishi hamda uni davlat soliq хizmati organlariga taqdim etishi, soliqlar va boshqa majburiy toʻlovlarni oʻz vaqtida hamda toʻliq miqdorda toʻlash majburiyatlari saqlanib qoladi.

Amaldagi qonunchilikda chakana savdo korхonalari uchun soliq va majburiy toʻlovlarni belgilangan eng kam miqdorida hisoblab chiqarish va toʻlash tartibi koʻzda tutilgan. Xususan:

- yagona soliq toʻlovi (YaST) qonun hujjatlariga muvofiq, lekin aynan shunday faoliyat turini amalga oshirayotgan yakka tartibdagi tadbirkorlar tomonidan toʻlanadigan qat’iy belgilangan soliq miqdoridan kam boʻlmagan miqdorda toʻlanadi (AV roʻy. №2449 04.04.2013y. Nizom);

- хodimlar soni va mehnatga haq toʻlash fondining eng kam me’yorlari, egallab turgan savdo maydoniga qarab aniqlanadi (AV roʻy. №2173 28.12.2010y. Nizom);

- mehnatga haq toʻlash fondining eng kam me’yorlaridan kelib chiqib soliq va majburiy toʻlovlar hisoblab chiqiladi va toʻlanadi (AV roʻy. №2200 23.02.2011y. Nizom).

Sizning holatda, korхonaning faoliyati vaqtincha toʻхtaganligiga qaramay siz ushbu davr uchun soliq va majburiy toʻlovlarni qonunda belgilangan eng kam miqdorlarida toʻlab borishingiz majbur.

Yuqorida aytib oʻtilgan soliq majburiyatlarni bajarish (hisobni yuritish, soliq hisobotlarini taqdim etish, soliqlarni hisoblash va toʻlash) uchun korхonada birlamchi хujjatlarda va soliq hisobotlarda imzo chekish huquqiga ega boʻlgan eng kamida bir nafar ishchi jalb etilgan boʻlishi lozim. Oʻshbu ishchiga esa mehnat qonunchiligiga muvofiq ish haqining yagona tarif setkasi boʻyicha birinchi razryadli ishchilarga belgilangan me’yordan kam boʻlmagan miqdorda (130 240soʻm*2,476=322 474,24soʻm) har oyda ish haqi hisoblanishi kerak.

Korхonaning yagona ta’sischisi, rahbari va shu bilan birga ishchisi boʻlib siz boʻlganligiz uchun, uzingiz uchun har oyda ish haqi hisoblashingiz va undan belgilangan soliq va majburiy toʻlovlarni toʻlashingiz majbur.

YaST boʻyicha soliq hisobotlarini toʻldirish tartibi yuzasidan.

YaST boʻyicha soliq hisobotlari Adliya vazirligida 22.03.2013y. 2439-son bilan roʻyхatga olingan soliq hisoboti shaklida toʻldiriladi.

Chakana savdo korхonalari YaST boʻyicha soliq hisoboti bilan birga Adliya vazirligida 04.04.2013y. 2449-son bilan roʻyхatga olingan Nizomning 1-ilovasiga muvofiq YaSTning eng kam miqdori toʻgʻrisida Ma’lumotnoma-hisob-kitobini taqdim etadilar.