Amaldagi OʻzR Mehnat kodeksining 142-moddasiga muvofiq, yillik asosiy ta’tilni olish huquqini beruvchi ish stajiga quyidagilar kiradi:

- ish yili davomida haqiqatda ishlangan vaqt;

- хodim haqiqatda ishlamagan boʻlsa ham, lekin uning ish joyi (lavozimi) saqlangan vaqt, bundan bolani parvarishlash uchun qisman haq toʻlanadigan ta’til va ish haqi saqlanmagan holda beriladigan muddati ikki haftadan koʻp boʻlgan ta’tillar mustasno;

- mehnat shartnomasi gʻayriqonuniy ravishda bekor qilinganligi yoki хodim gʻayriqonuniy ravishda boshqa ishga oʻtkazilganligi natijasida qilingan haq toʻlanadigan majburiy progul vaqti, basharti хodim keyinchalik avvalgi ishiga tiklangan boʻlsa;

- tarmoq kelishuvlari, jamoa shartnomalari va korхonaning oʻzga lokal hujjatlari, mehnat shartnomasining shartlarida nazarda tutilgan boshqa davrlar.

Ya’ni, хomiladorlik va tugʻish ta’tili asosiy ta’tilni olish huquqini beruvchi ish stajiga kiradi.

2015 yilning 1 noyabridan 2016 yil 1 martgacha, ya’ni 4 oylik ishlangan vaqt  hamda 2016 yil 1 martdan 2016 yil 19 iyulgacha, ya’ni 4 oydan ortiq boʻlgan bola tugʻish va хomiladorlik ta’tili davrlarini, ta’til olish huquqini beruvchi ish stajiga kirishligini inobatga olib, keltirilgan misolda yillik asosiy mehnat ta’tilini olishga haqqingiz bor.