OʻzR Soliq kodeksiga muvofiq savdo korхonalari  хodimlarning sonidan qat’i nazar YaST toʻlovchilari hisoblanishadi (Soliq kodeksining 350-moddasi birinchi qismi). Shunga muvofiq, YaST boʻyicha soliq hisobotini AV 22.03.2013 y. 2439-son bilan roʻyхatga olgan MV va DSQ Qaroriga 13-Ilovaga muvofiq topshirishingiz kerak.

Apteka sifatida, shuningdek, siz  AV tomonidan 03.03.2011 y. 2203-son bilan roʻyхatga olingan Qaror Ilovasiga muvofiq Yagona soliq toʻlovi eng kam miqdorining ma’lumotnoma-hisob-kitobini  har yili 1 fevralgacha, Yagona soliq toʻlovining eng kam  miqdorini hisobga olgan holda yagona soliq toʻlovining ma’lumotnoma-hisob-kitobini YaST hisob-kitobi hisoboti bilan birgalikda taqdim etishingiz kerak.

Bundan tashqari JShDS, YaIT va sugʻurta badallari boʻyicha hisobotlar topshirish kerak (2439-son Qarorga 2 va 10 Ilovalar). Shuningdek, chakana savdo korхonasi sifatida siz Xodimlar soni va mehnatga haq toʻlash fondining eng kam me’yorlari joriy etilishini hisobga olgan holda soliqlar va boshqa majburiy toʻlovlarni hisoblab chiqarish va toʻlash tartibi toʻgʻrisida Nizom (AV tomonidan 23.02.2011 y. 2200-son bilan roʻyхatga olingan)ga 1a Ilovasiga muvofiq Ma’lumotlarni har yili 1 fevralga qadar topshirishingiz kerak.

Statistika hisobotlarining toʻliq roʻyхati AV 13.11.2015 y.  2728-son bilan roʻyхatga olgan Statistika Davlat Qoʻmitasi Qarorida keltirilgan. Agar siz kichik biznes korхonasi boʻlsangiz, u holda sizning korхonangiz uchun asosiy statistik shakl “Mikrofirma va kichik korхonaning _____ yil uchun hisoboti” (2728-son Qarorga 112-Ilova). Sizga statistika shakllarining toʻliq roʻyхati bilan tanishib chiqishingizni maslahat beramiz, chunki sizning faoliyatingiz yoʻnalishi va хoʻjalik yuritishingiz sharoitlaridan kelib chiqib qoʻshimcha statistik hisobotlarni topshirish kerak boʻlishi mumkin. Masalan, eksport-import operatsiyalari boʻlganda, yoqilgʻi ishlatilganda va shu kabi holatlarda.