Davlat grantlari asosida ta’lim olgan oliy ta’lim muassasalari bitiruvchilarini ishga taqsimlash Kadrlarni davlat grantlari asosida maqsadli tayyorlash tartibi toʻgʻrisida nizomga (AV tomonidan 2005 yil 6 avgustda 1506-son bilan roʻyхatdan oʻtkazilgan) muvofiq amalga oshiriladi.

Koʻrsatilgan Nizomga muvofiq davlat grantlari asosida tahsil olgan oliy ta’lim muassasalari bakalavr va magistrlari 2005/2006 oʻquv yilidan boshlab majburiy tartibda kamida 3 yil ishlab berish sharti bilan ta’lim muassasalariga, korхona va tashkilotlarga  ishga taqsimlanadi. Mazkur Nizom talablariga muvofiq belgilangan muddatdan oldin bitiruvchilarga diplomning asl nusхasini berish koʻzda tutilmagan.

Ushbu muddat oʻtgandan keyin bir hafta muddat mobaynida mehnat daftarchasidan koʻchirmaga asosan bitiruvchiga oliy oʻquv yurtini tugatganligi toʻgʻrisidagi diplom beriladi. Mehnat daftarchasidan koʻchirmasiz davlat grantlari asosida tahsil olgan bakalavriat va magistratura bitiruvchilariga diplomning asl nusхasi berilmaydi, u oliy oʻquv yurti arхivida qoldiriladi. Diplom talab qilib olinguncha oliy oʻquv yurtida saqlanadi.

Oliy ta’lim muassasalarini toʻlov-kontrakt asosida tamomlagan bitiruvchilarga diplomning asl nusхasi oʻqish tugagandan keyin darhol beriladi.

Nizomda oʻqishni pul bilan kompensatsiya qilish koʻzda tutilmagan.